SEMANTIK JAKU IBAN

SEMANTIK

Definisyen Semantik

-       Nitihka penemu Palmer (1992), iya madahka semantik tu siti bidang penemu ke mansik reti.

-       Jaku ke baru dalam bidang linguistik.

-       Leka jaku semantik datai ari jaku Yunani iya ke datai ari leka jaku semantikos, ke mai reti beguna enggau bisi reti.

-       Orang keterubah nguna leka jaku semantik iya nya M. Breal ari Perancis semantique.

Penemu senentang Semantik

      Harimurti Kridalaksana

-       Madahka semantik tu siti ari struktur jaku ke bekaul enggau reti.

      Katz

-       Siti ari pansik ti bekaul enggau reti linguistik ke madahka reti dalam ayat.

      Pei enggau Gaynor

-       Ngumbai semantik tu baka sains ke bejuraika kaul referens (benda/rujukan)

      John Lyon (1971)

-       Semantik tu nerangka reti ti nyadi idea tauka konsep ti disebut siku lalu didinga orang bukai.

      Ullman

-       Iya nya asil kaul ke rapat entara nama enggau reti.

-       Nama tu betukuhka fonetik (utai ke disebut) lalu reti tu mandingka informasyen senentang reti nama.

Sejarah Semantik

-       Keterubah iya leka jaku semantik semina dikena orang bejaku senentang pengerembai enggau pengubah reti dalam jaku ba bidang semantik.

-       Sebedau taun 1930, pansik semantik meri fokus ngagai pansik tradisional iya nya pengubah reti.

-       Sepengudah taun 1930, sida nguji ngemeratka pengawa mansik sereta nerangka struktur semantik ( Ullman, 1996).

-       Taun 1931, mai empas ke besai amat ba bidang semantic laban taun nya bisi pansut tulisan Gustaf Stren dalam bup iya ke betopik meaning and change of meaning with special reference to English Language.

-       Nitihka Ullman (1996), ba taun 19950, pansik semantic udah berubah ngagai vokabulari (perbendaharaan kata) enggau prinsip rama ti bekaul enggau jaku.

Tikas pengerembai penemu Semantik.

      Tikas 1 Semantik Struktural

-       Semantik ba tikas tu dikumbai semantik struktural.

-       Reti semantik struktural tu ngemai reti iya nya komponen jalai jaku.

-       Kaul entara fitur distingtif enggau kaul entara fitur.

-       Cto: + bujang (laki)

         -indu

      Tikas 2 Semantik Generatif enggau Semantik Interpretif.

-       Ba tikas tu semantik iya nya siti komponen jalai jaku ke bekaul enggau ayat ke logik.

-       Bekaul enggau ilmu logik nguna predikat kalkulus.

      Tikas 3 Semantik Formal (semantik syarat benar) (truth condition)

-       Bekaul enggau letak sekalika amat/bula.

-       Kitai nisih ayat dikena kitai nentuka sekalika utai ke disebut ayat amat tauka bula.

-       Dikena neguhka ayat ke ditempa.

-       Bala ti mekuhka penemu tu: Ruth Kempson.

Kaul Semantik enggau Linguistik

-       Semantik tu sebagi ari linguistik.

-       Jalai jaku iya nya tengah-tengah fonetik enggau semantik.

-       Bidang semantik beguna amat laban pansik jaku enda beguna enti nyema nadai ngemai reti ke menyana.

-       Ngemeratka reti leka jaku

Utai ke ngenuku ke reti

      Pilihan

-       Kena ngaga lalu ngerapitka kaul

      Daya idup

-       Bejaku ngena jaku ke alus, kelebih agi lebuh bejaku enggau orang tuai.

      Konteks

-       Konteks ayat – jaku ke mayuh reti

-       Konteks situasyen – nitihka situasyen

      Penteba prosodi

Raban reti jaku

ü  Reti leksikal

-       Leka jaku tu datai ari leka jaku leksem/leka jaku nitihka terminologi linguistik.

-       Ngemai reti leka jaku ke bendar iya nya ukai reti nitihka konteks.

-       Cto: gila…reti iya orang ke enda manah runding

-       Imej ke nyengenda senentang pekara ke disebut.

ü  Reti gramatikal

-       Bisi kaul enggau jalai jaku.

-       Reti gramatikal tu reti ke bepelasarka respond.

ü  Reti konotatif

-       Reti ke bisi bekaul enggau geregayak ati (emosi) sereta daya idup

ü  Reti denotatif.

-       Reti ke nyengenda (retia asal) dalam diksionari.

-       Reti leka jaku ke bendar.

-       Bekaul enggau reti leksikal.

ü  Reti asosiatif

-       tauka dikumbai reti kolotatif laban iya bisi ngayanka kaul.

-       Iya nya reti leka jaku ke nitihka kaul enggau leka leka jaku ke bukai tauka nitihka orang ke ngena jaku nya.

-       Nyadi simbol

Elemen paralinguistik

-       Ekspresyen mua, ginsit jari.

Perubahan makna/bali reti

-       Sinkronis— reti ke enda bebali

-       Dikronis— reti ke udaah bebali tauka berubah

Pekara ke ngasuh reti bebali

-       Laban pemansang penemu enggau teknologi

-       Laban pemansang sosial enggau daya idup

Cto: baka pengajar ke dikumbai baka lemambang

-       Chara ngena ke bebida

Cto: baka menih, nanam padi

-       Asosiase

-       Rawang ke bebida

Cto: pengasai baka pedas

-       Laban ngemuntangka iya

-       Sagam ke bebida

Cto: baka leka jaku majuh enggau makai tauka matah ke lengan

-       Laban proses gramatikal

Cto: baka afiksasi(bekaul enggau ngaga proses meri penambah), reduplikasi (jbekaul enggau jaku betandu) enggau komposisi ulih meri reti bebali enggau berubah.

-       Ngerembaika guna terminologi (istilah)

AMAL PENTI PEMALI BA PENGAWA BUMAI

Ba pengawa bumai Iban endang bisi penti pemali iya empu. keterubah, umai orang Iban enda tau nadai panduk laban nya meh endur orang Iban betanamka leka utai tauka ngujakka paung terung, jagung, ubi enggau utai bukai. Kelimpah arinya, umai ke udah diperesi enda tau enda ditugal maya bulan nya mega.

 Umai patut diintu enggau piring ading ngambika bulih padi. Nya alai orang Iban meruan ngena adat lama lalu arap endar ke Petara asi. Laban Petara tu ulih meri sida tau bulih padi, bulih puli, enggau bulih jereki.  Nyadi pengawa nugal tu enda tau enda berengkah sebedau matahari niki.

 Ba pengawa bumai tu mega, orang Iban amat bepenti sereta bepanggai ba Burung magang. Keterubah iya nya maya berengkah ari kenyap sebedau ngabas pala tanah ke endur bumai. Tang enti nyema kenyap enda manah, dia sida tau enda ngabas tanah dulu lalu nganti ari ke siti maya ke manah kenyap. Nama kebuah, laban orang Iban endang arapka mimpi maya ke nurun ngereja pengawa bumai tauka pengawa bukai.

Ba pengawa bumai mega orang Iban pechaya ke bunyi burung. Ngambika chunto, lebuh manggul umai. Orang Iban deka nisih munyi burung dulu sebedau berengkah manggul umai. Kelimpah arinya, ba pengawa nasau mega orang Iban bepenti ngagai burung. Nyema sida enda nitihka penti burung nya, penusah deka nuntung sida.

Penti pemali ke bukai iya nya, pemali dikumbai mali labu. Reti iya bisi sekeda kitai Iban kelia mali nanam labu tauka genuk ba umai. Orang ketuai menya madah pengawa nanam labu nya mali, enggaika bisi bala ari sida sebilik mati taun nya mega. Bisi mega kitai Iban menya enda tau nanam lia enggaika sida sebilik nya bisi buta taun nya. Sebengkah agi penti pemali maya bumai iya nya, umai mali diabas (mali pagi ). Nitihka penemu orang tuai, umai mali diabas orang bukai maya pagi hari. Kena nyeliahka pemali tu, iya dulu mansang ke umai lalu nugal sereta menih tiga lubang padi enggau makai tiga suap asi. Senentang enggau makai asi nya mega iya enda tau ditanya orang, mali sida sebilik bisi parai taun nya. Tang enti sema bisi orang nanya iya, orang nya deka ditunggu ngena siku babi tauka manuk enggau benda sigi panding sereta duit dua ringgit.

Kelimpah arinya, enchuri padi ba umai orang pan mali sereta enda tau dikereja. Enti ditemu, orang nya deka ditunggu sigi mungkul, duit 50 sen enggau siku manuk. Niti jalai tama ke umai orang dalam kandang tiga hari udah nugal mega mali lalu tau kena tunggu manuk siku enggau duit semungkul. Kitai Iban mega enda tau ngerusakka pandung endur engkah batu umai benung orang begawai batu. Ukum penyalah tu besai iya nya, sigi alas ngerang, duit lima ringgit, siku babi sepa enggau nyabur sebilah. Orang Iban endang bepegai teguh ba penti pemali maya bumai laban sida enggaika sida enda bulih padi dalam taun bumai nya.

Tang kamaya hari tu, pengawa penti pemali bumai tu nyau makin lenyau tauka jarang dipejalaika agi. Nama kebuah, laban penama biuh pengarap ari pengarap kristian. Pengawa bebiau, miring enggau beburung ba adat bumai kelia nyau enda entu dititihka agi raban bansa Iban. Kelimpah arinya, bansa Iban kediatu, nyau makin mayuh ngereja pengawa bukai baka kereja ke tasik, mangku pengawa perintah enggau kebukai. Nya alai, ba penti pemali bumai tu patut diintu enggau kur sereta manah.

SEJARAH PEMANSANG JAKU IBAN

 Sejarah pemansang jaku Iban

-       Sejarah pemansang jaku Iban ulih dipeda bepelasarka empat leman

a)    jeman Rajah Brooke ( taun 1841 ngagai 1941)

b)    Jeman Koloni  ( 1948 ngagai 1963)

c)    Udah Merdeka (  jeman Malaysia)

d)    AKta Pendidikan 1996.

Jeman Rajah Brooke ( 1841 – 1941 )

      Jeman tu nyadi urung taun 1841 ngagai 1941 sepengalama 100 taun.

      Nitihka penemu Dr. Chemaline Osup ( 2011 ), iya madah jaku Iban beguna dikena pengawa peintah, bedaja, berandau enggau bejaku, baum enggau ngerembaika pengawa pengarap.

       Tang jaku Iban kelebih agi dikena nyadi jaku diri aja.

      Ba jeman tu pemansang jaku Iban ulih diperatika.

       Maya taun 1853, jaku Iban diajar ba sekula St. Paul di Banting.

      Maya tu, pengarap Anglikan ngerembaika jaku Iban ba sekula nya.

       Bisi mega jaku Iban dikena ba sekula – sekula bukai ti dikena ngerembaika pengawa pengarap Kristian.

      Ambi ke chunto, taun 1848 St. Thomas di Kuching didirika dikena ngerembaika pengarap Kristian ke ngena jaku Iban.

       St. Thomas mujur bendar laban udah ngasilka katekist ti ngerembaika pengarap Kristian dalam jaku Iban.

      Empas iya, bala nembiak mayuh datai ngagai St. Thomas laban deka ngiga kereban ngajar enggau deka belajarka jaku Iban.

       Ambika chunto baka Buda Ak Bayang siku orang ari Saribas ngagai St. Thomas laban deka beratika tusun turai pelajar jaku Iban.

      Simpul iya, maya jeman tu jaku Iban semina dikena ngerembaika pengarap Kristian aja.

       Maya nya mega, bansa kitai nadai ngembuan pemandai ti badas tang sida sida ngemansutka penemu, peneleba diri ba kereban ti ditulis orang putih.

Jeman Koloni ( 1948 – 1963 )

§  Jeman Koloni tu nyadi urung taun 1948 ngagai 1963.

§  Kuasa perintah Rajah Brooke dirampas sedadu Jipun ti datai ngagai menua tu.

§  sepengudah menua Jipun anchur laban dibom orang Amerika, sida lalu nyurutka diri ari menua Sarawak dalam taun 1945.

§  Dalam taun 1948, guna jaku Iban majak ngerembai.

§   Nitihka Dr. Chemaline Osup ( 2011 ), jaku Iban maya nya udah dikena pengawa ba Court.

§   Kelimpah ari nya, jaku  Iban dikena nabur program jaku Iban ba Radio Sarawak.

§  Dalam taun 1955, jaku Iban diajar ba sekula sekondari ke dikangau Asian Language lalu dipasukka dalam peresa Saeawak Junior Certificate ( SJC ).

§   Kena taun 1957, pelajar jaku Iban ti diambi nembiak sekula dikangau Sea Dayak.

§  Tang dalam taun 1958, nama nya ditukar ngagai Iban Language.

§  Maya nya mega,  turai jaku Iban nadai ngembuan atur ti meruan.

§  Nya alai, bala pengajar semina kereban ngajar ti diasai engkeman lebuh ngajar.

§  Pengawa belajar enggau ngajar maya jeman tu enda tentu meruan.

§   Kebuah pia, laban nadai dokumen betulis ari taun 1950 ngagai 1961.

§   Jaku Iban semina diajar ngagai nembiak taun lima ngagai taun enam.

§   Kena taun 1964, turai jaku Iban sekula sekondri ditulis ‘ The Curricular And Syllabuses Of Junior School’ ti disimpan ba ‘ Sessional Paper No. 3 Of 1963’.

§  Dewan Undangan Negeri Sarawak maya nya udah ngemendarka jaku Iban tang semina diajar sepengalama 120 minit tauka tiga riris aja seminggu.

§   Nembiak ke diajar jaku Iban semina orang bansa Iban empu sereta landik bejaku jaku Iban aja.

§   Nyadi empas iya, bala nembiak Iban bisi landik macha, nulis sereta ngarang dalam jaku Iban.

§  Borneo Literature Bureur ( BLB ) ditumbuhka dikena ngemansangka pengawa nulis, ngarang sereta ngumpul jerita enggau kereban litricha pupu raban bansa.

§  Tang dalam taun 1976, BLB rentung lalu mai empas ngagai pengawa nulis enggau ngarang dalam jaku Iban.

§   Dewan Bahasa Dan Pustaka ditumbuhka kena nganti BLB.

§  Nyadi empas iya, nadai kereban litricha Iban laban DBP enda ngemendar kereban diasilka ari Jaku Iban.

§   Tang, enti kereban ti dikarang dalam jaku Melayu nya baru sida deka nyelak.

Udah Merdeka ( Jeman Malaysia )

Ø  Jeman tu mega dikangau jeman Malaysia.

Ø  Maya tu, jaku Iban dikena bekomunikasyen, dikena dalam sekula sereta nyadi jaku ekonomi.

Ø   Jaku Iban bisi dikena ba pengawa perintah sereta nabur berita ba RTM Sarawak baka Cats FM.

Ø  Jaku Iban mega dikena ngenataika penemu senentang jaku Iban enggau daya idup baka ba Majalah Pegari, Majalah Tebilang, Berita Betanam Betupi enggau mayuh agi.

Ø  Maya tu, bansa kitai udah mayuh berundingka atur enggau langgur penemu dikena ngemansangka jaku Iban.

Ø   Kena taun 1964, gerempung Society Of Advancement ditumbuhka.

Ø   Nitihka penemu Asmah ( 1981 ), dalam taun 1966 gerempung ‘ The Society For The Promotion Of The Iban Language’ ditumbuh dikena ngerembai sereta ngemansangka jaku Iban.

Ø  Kena 1987, pengajar Iban setuju numbuhka siti gerempung iya nya Iban Language Teacher Association ( ILTA ) tang pengerembai gerempung nya enda lama aja.

Ø  Maya jeman tu, mayuh bansa kitai rindu ngemansutka penemu tauka buah runding ba dalam bup teks, majalah , novel enggau kereban bacha ke bukai.

Ø  Urung taun 1975, gerempung ‘ Joint Committe Of Oficals dikena ngerembaika Akta Pelajar 1961.

Akta Pelajar 1996

o   Akta Pelajar 1996 dikena kena 26 Disember 1975.

o   Maya tu, jaku Iban terus dipasukka dalam peresa SJC.

o    Dalam taun 1977, SJC ditukar nama ngagai  LCE laban bala nembiak mayuh rindu belajarka jaku Iban.

o    Format peresa jaku Iban berubah ba urung taun 1985 dalam LCE.

o   Dalam format ti baru nya, nembiak nadai agi dipinta ngalihka jaku Iban ngagai jaku English tauka jaku English ngagai jaku Iban.

o   Dalam taun 1988, Opis Pelajar ngemasukka jaku Iban ba sekula primary rendah. Maya nya mega, turai pelajar jaku Iban ari pom 1 ngagai pom 3 disediaka.

o    Ari taun 1968 ngagai 1969, jaku Iban bisi diajar ba Maktab Perguruan Batu Lintang nyadi subjek alektif.

o    Pia mega taun 2011, jaku Iban bisi diajar ba Universiti Pendidikan Sultan Idris ba ringkat major.

o    Maya nya, Dr. Chemaline Osup nyadi penyelaras kus jaku Iban ba Universiti nya.