Objektif Pengaya enggau Seridi

Objektif Pengaya enggau Seridi proses ngajar enggau belajar

Pengaya enggau seridi endang ngembuan objektif kediri empu kelebih agi dalam nyungkakka pengelandik ke dikembuan nembiak. Nyadi, keterubah iya nya kitai deka ngerintaika objektif pengaya lalu ditangkan enggau objektif seridi ngagai nembiak. Pengaya tu siti ari pengawa bejalaika aktiviti belajar ti lebih meri chabar ngagai tikas pengulih nembiak. Pekara ti deka diajar ngagai nembiak nya ari tikas ke mudah ngagai tikas ke mar agi.

            Tuju pengaya tu dipejalaika ngagai nembiak nya dikena nyungkakka pengelandik bepikir ngagai ngagai nembiak dalam mutarka sesebengkah penanggul. Reti iya nembiak ulih meri tuduh penemu enggau ulih mikirka chara ke patut lebuh mutarka sesebengkah penanggul. Minat enggau peneleba nembiak mega ulih ditambahka  awakka ulih ngerembaika pengulih sida dalam pelajar. Nengah pengaya tu mega awak lepa nembiak ulih diisi enggau pengawa ke manah nitihka minat enggau tikas pengerembai nembiak.

            Kelimpah ari nya, pengaya tu beguna amat dikena nembiak bulih pengelandik ke bukai kelimpah ari pengelandik ke sigi udah dikembuan sida. Pengelandik ke dikembuan nembiak tu beguna amat dikena belajar sepemanjai idup sida. Enggau nya mega, kreativiti enggau inovasi nembiak ulih disungkak nengah pengaya tu. Chara ti seriran ngambika chunto, ngelatih nembiak bekenaka tikas runding ti tinggi ti dikumbai Pengelandik Bepikir Tikas Tinggi (PBTT).

            Seridi mega siti pengawa pelajar ti patut dipejalaika ngagai nembiak ulih pengajar dalam kelas. Seridi tu beguna bendar dikena mantu nembiak ke bedau nguasa sesebengkah pengelandik ti diajar dalam kelas. Nyadi objektif pengawa seridi tu iya nya beguna amat ngambika genap iku nembiak nguasa pengelandik ti diajar ngagai sida dalam kelas. Nengah seridi tu, pengajar deka mantu nembiak ke ngembuan penanggul pelajar sechara kediri.

            Pengerembai nembiak mega ulih dikerembaika agi nengah seridi tu. Nya alai, latih seridi ti disediaka pengajar patut nemban nitihka tikas pengulih ti dikembuan nembiak. Kebuah pia laban nembiak endang sigi ngembuan pengeregas ke bebida enggau pangan diri. Ngambika chunto, dalam siti-siti kelas bisi nembiak ke regas agi, jelan penyeregas enggau nembiak ti lemi. Nyadi, seridi tu nemban amat dikena meri ruang ngagai nembiak ke lemi ngasaika pemujur dalam bidang pelajar sida. Enggau nya tadi, dia sida nembiak ke lemi dalam pelajar tu tadi berasai besemangat deka belajar nyulut agi nitihka nembiak bukai.

            Nengah seridi tu mega, baka nembiak bukai ke landik, nembiak seridi deka bulih peluang ke sama enggau ngaulka diri sepenuh iya dalam tiap aktiviti ti dilanggur dalam kelas. Reti iya, kaul entara nembiak dikemeranka lebuh bejalaika proses ngajar enggau belajar dalam kelas. Kelimpah nya, seridi tu ngulihka nembiak nerima nerima pelajar sechara kediri nitihka tikas pengulih sida empu. Ngena chara tu, nembiak kelebih agi nembiak ti lubah nguasa pekara ti diajar deka bulih motivasyen deka belajar.

            Nya alai, pengawa pengaya enggau seridi tu endang siti pengawa pelajar ti patut dikemeranka agi sereta dikemajuka. Kebuah pia laban nengah dua iti pengawa tu, tikas pengulih, pengelandik enggau peneleba genap iku nembika deka dikerembaika enggau dikemansangka agi. Pikir runding nengah tikas tinggi bala nembiak mega deka disungkakka agi. Nyadi, tanggung pengawa pengajar beguna amat lebuh ngajar sereta ngelanggur aktiviti ngajar sida enggau semitan. Strategi, aktiviti enggau latih ti dipejalaika mesti seriran enggau tikas pengulih nembiak. Nengah chara ti bakatu, pemujur nembiak deka ulih dikemansangka agi seninjik enggau juluk Falsafah Pendidikan Kebangsaan ti ngembuan juluk ati deka nempa nembiak ti landik dalam mayuh bansa pengawa kelebih agi dalam bidang pelajar.

Konsep Pengaya enggau Seridi

Konsep Pengaya enggau Seridi proses ngajar enggau belajar

Pengawa pengaya enggau seridi tu nya siti pengawa pelajar ti beguna amat dipejalaika dalam kelas. Kebuah pia laban nengah dua iti pengawa  tu, pengelebih enggau pengelemi siku-siku nembiak ke diajar nya deka ditemu lalu dikemetulka. Nya alai, tanggung pengawa bala pengajar besai amat mantu sereta bejalaika aktiviti pengaya enggau seridi tu dalam kelas. Keterubah iya kitai deka bejuraika konsep pengawa pengaya enggau seridi tu dalam bidang pelajar.

            Dalam Kamus Dewan Edisi ke-4 (2007), leka jaku “seridi” tu ngemai reti sesebengkah pekara ti betukar ngagai asal iya baka selama. Dalam konteks pelajar seridi tu bekaul enggau nembiak ti ngembuan penanggul dalam pengawa belajar iya di sekula. Faridah Nazir enggau Tuan Jah (2013) dalam bup Pengajian Sukatan Pelajaran Bahasa Melayu Sekolah Rendah meri konsep seridi tu nya aktiviti seridi ti bekaul enggau anak mit tauka nembiak ke ngembuan penanggul dalam pelajar. Syarifah Alwiah Alsagoff (1983) bejuraika, seridi tu siti langgur ke silik kena mutarka pelajar ti ngembuan penekul dalam kelas. Sechara selampur, nembiak seridi tu ngemai reti iya nya genap nembiak ti ngembuan tikas prestasi tauka pengulih sida dalam pelajar ti baruh agi ari bala nembiak bukai.

 Ba konteks tu, tanggung pengawa genap iku pengajar beguna amat ngelanggur mayuh bengkah aktiviti seridi ti nemban sereta seriran ngagai nembiak seridi tu. Ngena chara tu, penanggul nembiak seridi tu deka ulih diputarka tauka dikurangka. Kelimpah ari nya, aktiviti seridi tu nya siti chara khas ti digaga bala pengajar dikena mantu nembiak ti ngembuan penanggul belajar dalam nguasa sesebengkah pengelandik asas baka pengelandik macha, nulis enggau ngira. Nyadi, nembiak seridi tu patut bendar diberi kereja tauka latih seridi ke seriran dikena mutarka tauka ngurangka agi penekul sida dalam nguasa pekara ti diajar dalam kelas.

Nitihka Kementerian Pelajaran Malaysia (1988), pengaya tu mai reti aktiviti-aktiviti tambah ngagai aktiviti asal dalam pengawa ngajar ke ngembuan elemen-elemen ti dikena ngerembaika agi penemu enggau peneleba sereta nyungkakka agi pengelandik ke diajar. Nengah aktiviti-aktiviti pengaya tu, nembiak dilatih ngerembaika agi penemu, minat, kreativiti enggau pikir runding sida deka belajar. Faridah Nazir enggau Tuan Jah (2013) dalam bup Pengajian Sukatan Pelajaran Bahasa Melayu Sekolah Rendah, mega nyukung bejuraika aktiviti pengaya tu nya siti aktiviti ti ngerinduka sereta bisi chabar agi ti dikena meri peluang ngagai nembiak ngerembaika pengingin ati deka nemu, semangat deka belajar kediri, nyungkakka kreativiti enggau tanggung pengawa nyadi ketuai. Siti bida aktiviti pengaya tu enggau seridi nya aktiviti pengaya tu disediaka ngagai semua nembiak enda ngira sekalika nembiak nya nyulut agi, sedang-sedang enggau nembiak ti lemi.

Nambahka nya mega, aktiviti pengaya tu bebida ari aktiviti bukai ti diajar dalam kelas. Aktiviti pengaya tu mesti dipejalaika tauka diberi sepengudah genap iku nembiak ulih nguasa sesebengkah pengelandik ti diajar dalam kelas. Nyadi, nengah pengelandik ke udah dikuasa nembiak deka bejalaika aktiviti pengaya dalam kelas. Tajapan pia, aktiviti pengaya tu ukai semina dipejalaika maya kelas aja tang mega ulih dipejalaika di luar awak sekula. Faiziah Hj. Shamsudin, Khairuddin Mohamad & Maridah Alias. (2013), dalam bup Bahasa Melayu Pemulihan bejuraika bisi tiga strategi bejalaika aktiviti pengaya ngagai nembiak. Tiga iti strategi tu iya nya aktiviti pengaya ba raban nitihka pengelandik, kedua nya aktiviti pengaya dipejalaika berebak enggau aktiviti seridi enggau strategi kepenudi nya aktiviti pengaya ba raban mayuh pengelandik. Nyadi, genap strategi tu patut dipejalaika enggau manah ulih pengajar dikena nyungkakka pengelemi ke dikembuan genap iku nembiak.

Nyadi ke simpul, pengajar patut landik ngelanggur proses ngajar enggau belajar dalam kelas awakka nembiak ke lemi ulih ngemansangka tikas pengulih sida. Siti strategi ti nemban sereta seriran dikena pengajar iya nya bekenaka teknik enggau ripih jalai ti bemacham laban nembiak ngembuan tikas pengulih ti bebida enggau pangan diri.

Chunto Langgur Pelajar Sehari KSSR THN 4

1. Mata pelajar                  : Bahasa Iban
2. Primari                          : 4
3. Penyampau Nembiak     : 21 iku
4. Haribulan                      : 11 September 2017
5. Hari                              : Satu
6. Taga Jam                      : 0810-0910 pagi
7. Tema                            : Dunya Penemu
8. Topik                            : Pemanah Bumi

9. Pengelandik Fokus: Penemu sistem jaku

10. Standard Isi

5.3 Sepenembu belajar ba primari 6 nembiak ulih ngena tanda bacha ti betul sereta konstruk ayat ti engkeman dikena ngayanka rurun penemu ti nyemetak.

11. Standard Pelajar

Batang Fokus

5.3.3 Ulih ngena tanda bacha enggau betul dalam randau.

Fokus Sangking

3.2.4 Ulih nulis penerang nitihka atur ti betul ngena tanda bacha ti betul sereta engkeman.

12. Objektif Pelajar

Ba ujung ajar enggau pelajar tu, nembiak ulih:

                                 i.            Ngena tanda bacha enggau betul dalam ayat tauka karang.

                               ii.            Nulis penerang nitihka atur ti betul ngena tanda bacha ti betul sereta engkeman.

13. Sistem Jaku

·         Jalai Jaku : tanda bacha

·         Terminologi : singka miga, bumi

14. Pengisi Kurikulum

·         Penemu : Sains, Pendidikan Moral.

·         Ukur Pemanah : Rajin begigaka penemu, pengalus jaku, bebasaka pangan diri.

·         Atur Sosio Daya Idup : Ngemeratka sebar lebuh mansutka leka jaku.

·         Pengelandik beukur tambah (PBT) : Pengelandik Bepikir, PPMC, Belajar Chara Belajar (BCB), Pengelandik Belajar Kontekstual, Pengelandik Belajar Konstruktivis.

15. Strategi Ngajar enggau Belajar

·         Pengelandik bepikir (PB) : berunding cara nempa ayat ngena tanda bacha enggau betul.

·         Pengelandik Pemintar Mayuh Chabang (PPMC) : verbal linguistik, interpersonal.

·         Belajar Chara Belajar (BCB) : Nemu sereta ngelala tanda bacha dalam ayat

·         Belajar Kontekstual : Ngaulka penemu ti udah bisi enggau utai ti dipelajar ungkup ke 

                                     sehari nya.

·         Belajar Konstruktivism : Nempa pemereti kediri empu senentang sesebengkah topik.

16. Kereban Bantu Ngajar

Bil.	Perkara	Penyampau
1	Laptop	1
2	Lambar Jaku Berasuk	1
3	LCD	1
4	Kad Tanda Bacha	4
5	Lambar latih	21

17. Penemu ti udah bisi

                        i.            Nembiak kala meda sereta ninga senentang penteba singka miga ba radio tauka televisyen.

Ripih / Taga jam	Isi Pelajar	Aktiviti Ngajar enggau Belajar	Not
NGURUS BILIK KELAS (2 minit)	·      Pemeresi kelas ·      Pengadang nembiak   belajar	·      Nembiak nentuka kelas sida beresi lalu besedia deka belajar	Nembiak duduk ba endur diri empu.
Set Induksyen (5 minit)	Jaku Berasuk Lalai Jaku Berasuk ·         Planet ·         Bumi ·         Ngetu ·         Tanya ·         Tekenyit ·         Koma Chunto tanya/ pengawa : ·         Sapa udah tembu? ·         Nama leka jaku ke udah ditemu kita? ·         Nama kaul utai ditemu kita enggau utai dipelajar ungkup ke sehari tu?	·      Nembiak diasuh \-ngiga Jaku Berasuk bepelasarka leka jaku ti udah disediaka pengajar. ·      Nembiak ulih berandau enggau kaban ke damping enggau sida. ·      Sepengudah nembiak tetemuka leka jaku ke dilalai, pengajar lalu besaut tanya enggau nembiak. ·      Pengajar ngaul aktiviti enggau utai dipelajar ungkup ke sehari nya.	FASA BESEDIA ·  Ngaitka PTUB enggau peneleba ti baru ·  Nyediaka runding nembiak napi aktiviti enggau pengawa ti deka datai KBB ·         Lambar Jaku Berasuk Teknik ·         Besaut tanya ·         Main leka jaku Pengisi Kurikulum PBT (i) PB Nemu berunding senentang tanya ti diberi pengajar (ii) Pelajar Kontekstual Ngaitka ukur pemanah enggau peneleba nembiak – nama pekara ti suah digaga nembiak.
Ripih 1 (10 minit)	Ngelala Tanda Bacha Tanda bacha ·  Ngetu (.)– dikena ba ujung ayat. ·  Koma (,)– dikena miah pekara ke sama enggau ngetu tengah ayat. ·  Tanya (?)– dikena ba ujung ayat tanya. ·  Tanda Tekenyit (!)– dikena meri penekan enggau di engkah ba ujung ayat tekenyit.	·   Pengajar nerangka ngagai nembiak pekara ke deka dipelajar sida iya nya tanda bacha. ·   Pengajar ngasuh nembiak macha ba slaid bekaul enggau tanda bacha. ·   Pengajar besaut tanya enggau nembiak senentang tanda bacha. ·   Pengajar ngajar nembiak guna empat iti tanda bacha ngena slaid ke udah disediaka pengajar. ·   Pengajar madahka simbol tanda bacha ngena selangkuh tubuh ngambika sida jampat agi ingat sereta belajarka tanda bacha tu. ·   Nembiak nerima embing ari pengajar bekaul enggau tanda bacha.	FASA IMAGINASYEN ·  Nerenakka pelasar peneleba ke sesebengkah konsep ·  Menkonstruk idea baru KBB ·         Slaid ·         Laptop ·         LCD Teknik ·         Besaut tanya ·         Berandau Terminologi ·   Singka miga, bekebelik Pengisi Kurikulum (i) Penemu ·   Sains (singka miga), P. Moral (pengalus jaku) (ii) Ukur Pemanah ·   Pengalus jaku, bebasaka orang. (iii) Atur Sosio Daya Idup ·   Sebar lebuh bejaku, enda changka. (iii) Pengelandik Beukur Tambah (PBT): Pengelandik Berunding ·    Ulih midaka empat iti fungsyen tanda bacha. Pengelandik Pemintar Mayuh Chabang (PPMC) ·   Interpersonal ·   Verbal linguistik Pelajar Kontekstual ·   Kala ngena tanda bacha dalam ayat enggau kala belajar ngelanda senentang singka miga ba sains. Tisih Objektif (i)
Ripih 2 (15 minit)	Aktiviti “Kelala Aku enggau Aksyen” Aksyen tanda bacha ·  Ngetu (.)–jari diangkat ke atas. ·  Koma (,)– tubuh singit ke kanan ·  Tanya (?)– megai pending ·  Tanda Tekenyit (!)– megai idung	·   Nembiak dibantaika enggau teks bekaul enggau singka miga lalu di asuh macha teks nya. ·   Sepengudahnya, nembiak sekali agi macha teks lalu diasuh pengajar ngaga aksyen senentang tanda bacha ke bisi ba dalam teks nya. ·   Sepengudah nembiak udah ulih mantaika aksyen sereta selangkuh tubuh bekaul enggau teks, sida lalu dibantaika teks ke nadai ngembuan tanda bacha. ·   Pengajar mantaika teks ke sama semina tanda bacha ke bisi ba teks ditukar pengajar engggau endur puang. ·   Nembiak ti dipilih dikangau ke pengajar ke mua kelas lalu diasuh ngaga aksyen tanda bacha nitihka atur tanda ti bisi ba teks.	FASA KEREMBAI ·   Konstruk baru enggau meri penerang tambah dalam mayuh macham mod. ·   Ngaga kaul mayuh macham konsep ti bekait. ·   Ngaga aplikasi pemereti enggau aktiviti besehari-sehari KBB ·         Slaid ·         Laptop ·         LCD . Pengisi Kurikulum (i) Penemu ·   Sains, P. Moral (ii) Ukur Pemanah ·   Pengalus jaku, bebasaka orang, (iii) Atur Sosio Daya Idup ·   Begulai manah dalam raban, ngajar ngena jaku ti alus. (iii) Pengelandik Beukur Tambah (PBT) : Pengelandik Pemaintar Mayuh Chabang (PPMC) ·   Interpersonal ·   Verbal linguistik ·   Kinestetik Belajar Chara Belajar (BCB) ·    Ngiga lalu nisih penerang. Pelajar Kontekstual ·   Ngaitka penemu ti udah bisi Tisih Objektif (i & ii)
Ripih 3 (23 minit)	Kereja Latih: Latih selama Latih pengaya Latih seridi	Selama Nulis baru dialog ngena tanda bacha ti betul Pengaya ·       Nempa ayat ngena empat tanda bacha. Seridi ·         Nipakka tanda bacha enggau funsyen iya empu.	FASA PENGAWA ·      Nembuka pengawa (ngaga latih nempa ayat) ·      Mantaika asil pengawa enggau mayuh chara (sanggah dilah) ·      Ngaga tisih enggau refleksyen senentang pelajar enggau pemereti sereta pengelandik baru KBB ·   Lambar latih/ aktiviti. . Pengisi Kurikulum (i) Penemu ·   Sains, P. Moral (ii) Ukur Pemanah ·   Pengalus jaku, bebasaka orang. (iii) Atur Sosio Daya Idup ·   Sebar lebuh bejaku, bisi lebas, enda changka didinga. (iii) PBT Pengelandik Berunding ·   Ulih mutarka penanggul bekenaka chara berunding tikas tinggi. PPMC ·   Interpersonal ·   Verbal linguistik ·   Pengeregas visual Pelajar Kontekstual ·         Ngaitka utai dipelajar tadi dikena nyaut tanya. Pelajar Konstruktivism ·    Nembiak nempa diri empu penemu ba runding sida. Pengajar semina nyadi fasilitator.
Penutup (5 minit)	Kognitif ·         Gempung isi pelajar. ·         Nemu mida genap tanda bacha nitih fungsyen iya empu. ·         Berunding sebedau nyaut tanya – nama kebuah sesiti pekara nyadi. Sosial ·         Meri puji ngagai pemendar enggau pemujur pengawa nembiak.	·         Gempung isi pelajar senentang topik ke dipelajar seharinya. ·         Betanya saut enggau nembiak senentang nama utai udah dipelajarka.	Ukur Pemanah ·      Bebasaka orang bukai, ngembuan pengalus jaku. PBT (i) PPMC ·      Verbal linguistik ·      Intrapersonal